تبلیغات
شعر و ادبیات پارسی - کلک و پرم ریزسه چی دال پیری ...

کلک و پرم ریزسه چی دال پیری

غم بیه داروغه و دل چی اسیری

مار دُورو لیز گریت دُور چیت و جا دل

باد غمم ؛ توز شادین می کنم کل

تَش تیر سیل تو سوخته سَخونم

دشت سینه صاف بکو ، سی قورسونم

رنگ زُلفت قیل سی ، چی رنگ بختم

سَر بَنارِ کَمَرت چی تک درختم

شور و شوق عشق تون ، غم کرد دُچارم

قامتم برد وَه سُجود ، غم بی برارم

درد و غم چی خین و رگ پوشینه لارم

برف چلّه ده سَرم ! گُم بی بهارم

رنگ شادی سوز و گرم ، مه زرد و سردم

دور شادین خط کشیم ، مَسکن دردم

چال سر زنج تونه دنیا و دینم

کاری نَکی وه دل ، شادی بشینم ؟!

ابراهیم علیپور

09/05/1391




طبقه بندی: سایر، 

تاریخ : دوشنبه 17 اسفند 1394 | 09:57 ق.ظ | نویسنده : قاصد * | نظرات
.: Weblog Themes By BlackSkin :.